Ош шаарынын мэриясында 18-сентябрдан тарта, үч күн бою мамлекеттик, муниципалдык мекеме-ишканалардын, коомдук уюмдардын, билим берүү жана социалдык мекемелердин кызматкерлеринин арасында Кыргыз Республикасында иш кагаздарын жүргүзүү боюнча окутуу жүргүзүлдү.
Окутууну Ош шаарынын мэриясынын иш кагаздарын камсыздоо жана көзөмөлдөө бөлүмүнүн башчысы Масуда Айдарбекова жүргүзүп, “е-Kyzmat” автоматтык маалымат тутумунда, “Инфодокс” электрондук документ жүгүртүү системасында иштөө, Кыргыз Республикасынын “Жарандардын кайрылууларын кароонун тартиби жөнүндө” Мыйзамынын, Кыргыз Республикасында иш кагаздарын жүргүзүү боюнча Типтүү нускаманын талаптарына ылайык кайрылууларын кароо, алардын көйгөйлөрүн чечүү, иш кагаздарынын мамлекеттик, расмий тилдерде так жана туура жазылышы, түзүлүшү, мазмуну, колдонуу чөйрөсү багытында сабак өттү.
Катышуучулар бир нече багыттар боюнча пикир алмашышып, практикалык негизде ар тараптуу мисалдар жана колдонмолор менен тааныштырылды.
Окутуулар мамлекеттик тилдин бириктирүүчү ролун күчөтүү, өнүктүрүү жана мамлекеттик кызматкерлердин негизги, тиешелүү милдеттерин ишке ашыруу, санариптик сабатуулугун жогорулатуу максатында өткөрүлдү.
