Бүгүн Ош шаарынын мэринин орун басары Масуда Айдарбекова шаар аймагында курулуп жаткан социалдык объектилердин (мектептердин) курулуш иштеринин жүрүшү менен таанышты.

Анын жүрүшүндө мэрдин орун басары Ж. Бөкөнбаев атындагы мектеп, Сары-Зоо айылындагы мектеп жана К. Маткеримов атындагы мектептин курулуштарын көрдү.

Жооптуу жетекчилер объектилердеги аткарылып жаткан иштер, курулуштун жүрүшү жана алдыда аткарылуучу жумуштар тууралуу маалымат беришти.

Масуда Айдарбекова курулуш иштеринин сапатына өзгөчө көңүл буруп, белгиленген мөөнөттөрдү сактоо жана иштерди талапка ылайык жүргүзүү боюнча тиешелүү жетекчилерге тапшырмаларды берди.

https://www.facebook.com/share/v/1FAt992kpD/?mibextid=wwXIfr