Кыргыз Республикасынын Президентинин жер мунапысына байланыштуу кабыл алынган Жарлыгы жана Тескемесинин алкагында жер участокторун легалдаштыруу маселелерин кароо боюнча мамлекеттик комиссиянын көчмө жыйыны Ош шаарында өтүүдө. Жыйындын максаты — жер мунапысынын алкагында каралып жаткан жер участоктору боюнча келип чыккан маселелерди толук, объективдүү жана мыйзам талаптарына ылайык кароону камсыз кылуу. Маалымат үчүн: Ош шаары боюнча жалпы 4685 арыз кабыл алынып, анын ичинен 2436сы боюнча токтом кабыл алынган, 1206 арыз кароодон четтетилген, ал эми 1043 арыз учурда комиссиянын кароосунда турат.
