Отурумду Ош шаарынын мэринин орун басары, пробация боюнча кеңештин төрагасы Нурбек Кадыров алып барды.
Жыйындын күн тартибинде пробация кардарларынын өздүгүн тастыктоочу документтерин калыбына келтирүү, медициналык кароодон өткөрүп, дарылануусуна көмөк көрсөтүү, 2023-жылдын 3-кварталына карата коомдук жумуштарды аткаруу үчүн объекттердин тизмесин бекитүү боюнча маселелер каралды.
Ошондой эле, Ош шаары боюнча пробация бөлүмүнүн иш кеңселери жөнүндө маселени чечүү жолдору талкууланып, бир катар сунуштар айтылды.
Жыйынтыгында пробациянын кардарларын кайрадан социалдаштыруу жана оор турмуштук кырдаалдан чыгууга социалдык коргоо тарабынан ар тараптуу көмөк көрсөтүү тапшырмасы берилди.
