Ош шаарында мурда бош жана пайдаланылбай жаткан жерде жаңы эс алуу жайдын курулушу жүрүп жатат.
Жакынкы аралыкта бул жер жашылдандырылып, шаардыктар үчүн жагымдуу убакыт өткөрүүгө ылайыктуу заманбап мейкиндикке айланат.
Долбоордун алкагында мында балдар үчүн оюн аянтчасы, шахмат ойноого арналган атайын орун жана велосипед жолу курулууда. Андан сырткары эс алуу багында коомдук ажаткана салынып, коопсуздукту камсыз кылуу үчүн видео байкоо камералары орнотулат.
Учурда курулуш жана көрктөндүрүү иштери белгиленген графикке ылайык уланууда. Бардык иштерди ушул айдын аягына чейин аяктап, жаңы бакты шаар тургундарынын пайдалануусуна берүү пландалууда.
