Бүгүн Төлөйкөн муниципалдык айылдык аймактык башкармалыгында жаңы асфальтталган бир катар көчөлөр пайдаланууга берилди.
Атап айтканда, С. Раимов, Г. Айтиев, Т. Боронбаев, С. Раимов чолок, Т. Осмонов, Т. Осмонов чолок, П. Атаханов жана А. Дүйшеев көчөлөрүнө жалпы узундугу 5 чакырым 160 метрди түзгөн асфальт төшөлүп, жол белгилери сызылды.
Ачылыш аземине Ош шаарынын мэри Жанарбек Акаев, Жогорку жана Ош шаардык кеңешинин депутаттары, Кыргыз Республикасынын Транспорт жана коммуникациялар министрлигинин өкүлдөрү, шаардык мекеме-ишканалардын жетекчилери жана жергиликтүү тургундар катышышты.
Шаар башчысы Төлөйкөн айылынын инфратүзүмүн жакшыртуу иштеринин маанилүүлүгүн белгилеп, бул багыттагы долбоорлор мындан ары да улантыларын билдирди.
Ал эми жергиликтүү тургундар жаңы жолдордун ачылышын кубануу менен кабыл алып, шаар жетекчилигине жана тиешелүү кызматтарга ыраазычылыгын билдиришти.
https://www.facebook.com/reel/1830176741280377
