Бүгүн Ош шаарынын мэри Жанарбек Акаев шаар мэриясынын аппаратынын өкүлдөрү жана гид Лада Хасанова менен биргеликте Ош шаарынын айланасында жайгашкан тарыхый-маданий мурас объектилерин жеринен көрүп, алардын учурдагы абалы менен таанышты.

Анын жүрүшүндө Сүрөттү-Таш жана байыркы Ак-Буура шаарчасынын тарыхы, археологиялык жана маданий баалуулугу, ошондой эле туристтик дарамети тууралуу кеңири маалымат берилди.

Байыркы Ак-Буура шаарчасын иликтөө жана анын тарыхый маанисин терең изилдөө максатында Улуттук илимдер академиясынын археолог адистерин тартуу сунушталды. Ошондой эле тарыхый объектилерди сактоо жана коргоо үчүн тиешелүү тосмолорду орнотуу маселеси айтылды.

Жыйынтыгында тарыхый жайларды сактоо, аймактарды иретке келтирүү, туристтер үчүн шарттарды жакшыртуу жана туристтик дараметин жогорулатуу боюнча тиешелүү тапшырмалар берилди.

Мындан тышкары Сүрөттү-Таш аймагына кирип-чыгууну жөнгө салуу максатында шлагбаум орнотуу жана чет элдик коноктор үчүн заманбап инфраструктураны камтыган борбор куруу боюнча сунуштарды иштеп чыгуу тапшырылды.

https://www.facebook.com/share/v/1Jtt4Xi95t/?mibextid=wwXIfr