5-октябрь Ош шаарынын күнүнө арналган иш-чаралардын алкагында жаштар арасында кичи футбол жана волейбол боюнча Ош шаарынын кубогу өтөт.

Аталган мелдештерге катышуу үчүн табыштамалар муниципалдык аймактык башкармалыктар аркылуу, шаардык дене тарбия жана спорт комитетине 2023-жылдын 30-сентябрына чейин кабыл алынат.

Мелдештерге 18 жаштан 35 жашка чейинки жаштар катыша алат.

А.Сүйүмбаев атындагы борбордук стадиондун резервдик кичи футбол аянтчасында эркектер арасында кичи футбол боюнча, ал эми “Кыргыз-Иран достугу” спорт комлексинде аялдар арасында волейбол боюнча мелдештер өткөрүлөт.

Анын жыйынтыгында жеңүүчүлөр акчалай сыйлыктар, медалдар, кубок жана дипломдор менен сыйланат.

Сурап билүү телефондору: (03222) 5-63-78, 7-06-99.

Дарек: Супаналиев көчөсү №1 (болжолу борбордук стадион).