Алымбек датка аймагында эл үнү угулду: Мэр көйгөйлөрдү жеринде талкуулады

Бүгүн Ош шаарынын мэри Жанарбек Акаевдин шаар тургундары менен жолугушуусу Алымбек датка муниципалдык аймактык башкармалыгында уланды.
Жолугушуунун жүрүшүндө мэр жергиликтүү тургундардын көйгөйлөрүн угуп, көтөрүлгөн суроолорго жооп берди.
Тургундар тарабынан талаштуу жер тилкесине байланышкан маселени чечүү, жолугушуу өткөн мектепти капиталдык оңдоп-түзөөдөн өткөрүү, тосулуп калган ички жолдорду ачуу, аймакты көрктөндүрүү, жаңы сквер куруу жана айрым көчөлөргө асфальт төшөө боюнча сунуш-талаптар айтылды. Ошондой эле Кең-Сай конушунун инфраструктурасын жакшыртуу маселеси көтөрүлдү.
Мындан тышкары, шаар тургундары ипотекалык шартта турак жай менен камсыздоо, мектептерге жакын жолдордун коопсуздугун камсыз кылуу, кошумча аялдамаларды куруу, канализация тутумун жакшыртуу, маршруттук каттамдарды жөнгө салуу, жолдорду жана тротуарларды оңдоо, билим берүү тармагындагы көйгөйлөр боюнча кайрылышты.
Шаар башчысы ар бир маселе боюнча кеңири түшүндүрмө берип, айрым көйгөйлөрдү чечүү үчүн тиешелүү мекеме-ишканалардын жетекчилерине жеринде тапшырмаларды берди.
Жанарбек Акаев тургундар тарабынан айтылган сунуштар жана көйгөйлөр көз жаздымда калбай турганын, аларды чечүү боюнча тиешелүү иштер жүргүзүлөрүн билдирди.

https://www.facebook.com/share/v/14yAAJLixkn/

Окшош жаңылыктар

912821699_1486434727008753_266187065161870754_n

Ошто дагы бир бала бакча капиталдык оңдоодон кийин пайдаланууга берилди

913241048_1486207480364811_1310688399174694756_n

“Ош-Тазалык” муниципалдык ишканасына жаңы атайын техникалар тапшырылды

images

Ош шаарында заманбап асма жол куруу пландалууда

903652290_1482837394035153_7838097822901186342_n

Көйгөйдөн — чечимге: Мэрдин эл менен жолугушуулары Жапалакта жыйынтыкталды

904318305_1482589524059940_2171800305730877611_n

Мэрдин эл менен кезектеги жолугушуусу Төлөйкөн айылдык аймактык башкармалыгында өттү

905240490_1481773987474827_5010824752380973550_n

Россиялык дарыгерлер Ош шаарында операцияларды жана консультацияларды өткөрүүдө