Көйгөйдөн — чечимге: Мэрдин эл менен жолугушуулары Жапалакта жыйынтыкталды

Бүгүн Ош шаарынын мэри Жанарбек Акаевдин шаар тургундары менен өткөргөн үч күндүк жолугушуулары Жапалак айылдык аймактык башкармалыгында жыйынтыкталды.
Жолугушуунун жүрүшүндө мэр жергиликтүү тургундардын көйгөйлөрүн, сунуш-пикирлерин жана өтүнүчтөрүн угуп, ар бир кайрылууга өзгөчө көңүл бурду. Атап айтканда, газ, балдар ойноочу аянтчасын куруу, таза суу, канализация, электр энергиясы, көчө инфраструктурасына байланыштуу маселелер кеңири талкууланды.
Шаар башчысы көтөрүлгөн маселелерди тиешелүү мекеме-ишканалардын жетекчилери менен биргеликте карап чыгып, аларды чечүү боюнча жооптуу кызматтарга конкреттүү тапшырмаларды берди. Ошондой эле ар бир маселе көзөмөлгө алынып, мүмкүнчүлүккө жараша этап-этабы менен чечилерин белгиледи. Анын ичинде аталган аймакта өрт кырсыгына кабылган турак үйдүн ээсине жардам берилерин кошумчалады.
Белгилей кетсек, акыркы үч күн ичинде Ош шаарынын ар кайсы аймактарында өткөрүлгөн жолугушууларда тургундарды түйшөлткөн эң актуалдуу маселелер ачык талкууланып, аларды чечүүнүн жолдору каралды. Шаарды өнүктүрүүдө тургундардын пикири жана сунуштары маанилүү экенин баса белгилеген мэр эл менен ачык диалог мындан ары да уланарын билдирди.

https://www.facebook.com/share/v/1HfoD1TW5a/

Окшош жаңылыктар

912821699_1486434727008753_266187065161870754_n

Ошто дагы бир бала бакча капиталдык оңдоодон кийин пайдаланууга берилди

913241048_1486207480364811_1310688399174694756_n

“Ош-Тазалык” муниципалдык ишканасына жаңы атайын техникалар тапшырылды

images

Ош шаарында заманбап асма жол куруу пландалууда

904318305_1482589524059940_2171800305730877611_n

Мэрдин эл менен кезектеги жолугушуусу Төлөйкөн айылдык аймактык башкармалыгында өттү

894460910_1482423224076570_5615289455165886429_n

Алымбек датка аймагында эл үнү угулду: Мэр көйгөйлөрдү жеринде талкуулады

905240490_1481773987474827_5010824752380973550_n

Россиялык дарыгерлер Ош шаарында операцияларды жана консультацияларды өткөрүүдө