Ош шаарынын Ак-Тилек кичи районунда ички көчөлөрдү оңдоо жана асфальттоо иштери жүргүзүлүп, жергиликтүү тургундардын көптөн берки жол маселеси чечилди.
Ош шаарынын мэри Жанарбек Акаев, Жогорку Кеңештин депутаты Азамат Исраилов жана Ош шаардык Кеңешинин депутаты Гүлмира Бекташова аталган аймакка барышып, аткарылган иштерди көрүп чыгышты.
Мындан сырткары шаар башчысы жергиликтүү тургундар менен жолугушуп, алардын көйгөйлөрүн жана сунуш-пикирлерин укту.
Белгилей кетсек, Ак-Тилекте жолдорду жаңылоо менен катар аймактын инфраструктурасын ар тараптуу өнүктүрүүгө да көңүл бурулууда. Учурда жаңы сейил бактарды жана скверлерди куруу, коомдук эс алуу жайларын түзүү багытында иштер дагы максаттуу жүрүп жатат.
