Ошто дагы бир автобусттук каттам иштей баштайт
Ош шаарында, 26-июлдан тарта “Өзбек-Кыргыз” өнүктүрүү фондунун колдоосу менен Ош шаарына жакында алынып келинген ISUZU SAZ LE 60 үлгүсүндөгү жаңы автобустар №25 автобустук каттамга чыгат. Белгилей кетсек, аталган каттам №125 кичи автобус каттамын алмаштырат жана кыймыл чиймеси өзгөрбөйт.
Улуттук банк: Селден жабыркаган жарандар насыяларынын төлөө шарттарын жеңилдетүү үчүн банктарга кайрылса болот!
Кыргыз Республикасынын Улуттук банкы бардык финансы-кредит уюмдарына селдин кесепетинен жабыркаган карыз алуучуларга көмөк көрсөтүүнү жана алардын реструктуризациялоо (жеңилдетүү боюнча) арызын артыкчылыктуу тартипте кароону жана насыялык келишимдин шарттарын (пайыздык ченди жана/же насыянын мөөнөтүн өзгөртүү ж.б.) жеке тартипте кароону сунуштайт. Селдин кесепетинен жабыркаган карыз алуучулар финансы-кредит уюмдарына насыяны реструктуризациялоо зарылдыгы жөнүндө кат жүзүндө арыз менен кайрылууга тийиш.
Ак-Буура дарыясынын корук аймагында жайгашкан курулуштар, жер тилкелерин тактоо жана мониторинг жүргүзүү боюнча жумушчу комиссиясынын жыйыны өттү
Ош шаарынын мэринин орун басары Замир Юсуповдун жетекчилиги астында өткөн жыйында иш-чаралар планы сунушталып, анын негизинде тиешелүү кызматтарга Ак-Буура дарыясынын жээгинде жайгашкан курулуштар боюнча толук маалыматты чогултуу тапшырмасы берилди. Ошондой эле бардык керектүү документтер чогултулуп, каралып чыккандан кийин биринчи этаптын алкагында эс алуу жайларынан баштап С. Бахапов көчөсүнө чейинки объектилерге мониторинг жүргүзүү иштери пландалганы айтылды. […]
Ош шаарындагы борбордук базар иштеп жатат
Ак-Буура дарыясынан өткөн мыйзамсыз салынган көпүрөлөрдү бузуу иштери жүрүп жаткандыгына байланыштуу, Ош шаарынын борбордук базарына кирүүчү кошумча жолдордун картасын сунуштайбыз. Учурда борбордук базар иштеп, соода жүрүп жатат. Кирүүгө тосколдуктар жок. Азыркы базар муниципалдык жаңы базар курулуп бүткөнгө чейин 2 айлык мөөнөттө иштейт.
Билдирүү!
Ош шаарынын мэри Б.Ж. Жетигеновдун протоколдук тапшырмасын негизинде, Ош шаарынан аралап өткөн Ак-Буура дарыясынын корук аймагында жайгашкан курулмаларды, жер тилкелерди тактоо жана мониторинг жүргүзүү боюнча жумушчу комиссия түзүлдү. Комиссиянын курамы: – З.Б. Юсупов – Ош шаарынын мэринин орун басары, комиссиянын төрагасы; – А. Каныбек уулу – Ош регионалдык шаар куруу жана архитектура боюнча башкармалыгынын башчысы, […]
Ош шаарынын борбордук базарын жаңы жерге көчүрүү боюнча соодагерлерге түшүндүрүү иштери жүргүзүлдү
Бүгүн Ош шаарынын мэриясынын, борбордук базардын дирекциясынын жана муниципалдык аймактык башкармалыгынын өкүлдөрү соодагерлер арасында базарды Көкүмбий көчөсүндө жайгашкан жаңы соода жайга көчүрүү боюнча түшүндүрүү иш-аракеттерин жүргүзүштү. Коопсуздукту тартип сакчылары камсыз кылышты. Түшүндүрүү иштеринин алкагында ишкерлер борбордук базардын жаңы жайгашкан жери менен таанышып чыгышты.
Ошко Казакстандан гуманитардык жардам келди
Казакстандын (Алматы шаары) “BIZ BIRGEMIZ QAZAQSTAN” коомдук фонду селден жабыркагандарга гуманитардык жардам жеткирди. Жүктүн жалпы салмагы 40 тонна болуп, анын ичиндеги төшөнчү жабдыктар, азык-түлүк жана гигиеналык каражаттар Ош шаарынын жана Ош облусунун жабыркаган жарандарына бөлүштүрүлөт. Гуманитардык жүктү тосуп алууга Ош шаарынын мэринин орун басары Нурбек Кадыров, КР Президентинин Ош облусундагы ыйгарым укуктуу өкүлүнүн орун басары […]
Борбордук базар Жапалак айылындагы Көкүмбий көчөсүнө көчүрүлөт
Бүгүн, Ош шаарынын мэри Бакытбек Жетигенов Ош шаарынын борбордук базары көчүрүлө турган жер тилкесин көрүп чыкты. Курула турган базар Ош автоунаа базарынын жанындагы 16,7 гектар жер тилкесине жайгашат. Тиешелүү кызматтарга базарды көчүрүү боюнча даярдык иштерин баштоо тапшырмасы берилди. Жаңы базарда соодагерлер үчүн бардык зарыл шарттар түзүлүп берилет.
Ош шаардык борбордук базары жылдырылат
Бүгүн 19-июлда, Ош шаарына Министрлер Кабинетинин Төрагасынын орун басары – УКМКнын төрагасы Камчыбек Ташиев келди. Иш сапардын алкагында ал Ош шаарынын борбордук базарында болуп, соодагерлер менен жолугушуу өткөрүп, сел жана суу ташкындарынын кесепеттерин жоюу боюнча жүргүзүлүп жаткан иштер боюнча маалымдады. Ошондой эле Камчыбек Ташиевдин катышуусунда Ош шаарынын мэриясында жыйын өттү. Жыйында Ош шаары жана Ош […]
Борбордук базар: Көпүрөлөрдү алып салуу жана иретке келтирүү иштери башталды
Ош шаарындагы борбордук базарда Ак-Буура дарыясынан өткөн, өз билемдик менен мыйзамсыз курулган көпүрөлөрдү алып салуу жана иретке келтирүү жумуштары башталды. Сел ташкынын кесепеттерин жоюу максатында аткарылып жаткан бул иш-аракеттерге Ош шаарынын муниципалдык менчик башкармалыгынын кызматкерлери, укук коргоо органдары жана муниципалдык аймактык башкармалыгынын өкүлдөрү катышууда.
