Бүгүн Ош шаарынын мэри Жанарбек Акаев тургундарды жеке маселелери боюнча кабыл алып, алардын көйгөйлөрү менен сунуштарын укту.
Кабыл алууга келген жарандар негизинен коммуналдык кызматтардын иши, ипотекалык турак жай, жер тилкелерин ажыратуу, айрым ички жолдорго асфальт басуу жана башка социалдык-тиричиликтик маселелер боюнча кайрылышты.
Шаар башчысы ар бир кайрылууну кунт коюп угуп, көтөрүлгөн маселелерди мыйзам чегинде чечүү боюнча мэриянын тиешелүү бөлүмдөрүнүн, муниципалдык мекеме-ишканалардын жана аймактык башкармалыктардын жетекчилерине тапшырма берди. Ошондой эле берилген тапшырмалардын өз убагында жана сапаттуу аткарылышы мэрдин жеке көзөмөлүнө алынары белгиленди.
https://www.facebook.com/share/p/1KPq7hhMz1/
