Бүгүн, Ош шаарынын мэриясында Кытай Эл Республикасынын Фошань шаарында өткөн жаштардын «Достугубузду жаркыраган келечекке тартабыз» эл аралык сүрөт сынагында байгелүү орундарга ээ болушкан Ош шаарындагы Гапар Айтиев атындагы атайын сүрөт мектебинин окуучулары сыйланды.
Балдарды Ош шаарынын мэринин орун басары Замир Юсупов куттуктап, алардын чыгармачыл өнөрүн өнүктүрүү үчүн эл аралык сынактарга катышуунун маанилүү экендигин белгилеп, Кыргызстан үчүн анын ичинде Ош шаарынын билим берүү тармагына кошуп жаткан салымдары үчүн ыраазычылык билдирди.
Сынактын жеңүүчүлөрү жана алардын мугалимдери Ардак грамота жана ыраазычылык баракчалары менен сыйланышты.
Айта кетсек, аталган эл аралык сынак онлайн режиминде өтүп, ага жалпысынан 42 мектеп окуучулары катышып, анын ичинен төмөнкү окуучулар байгелүү орундарга ээ болушту:
1. Абдуроимова Райхон – биринчи орун;
2. Бакирова Айсезим – үчүнчү орун;
3. Узакбаев Даниел – үчүнчү орун;
4. Рахманжанова Акмарал – үчүнчү орун;
5. Азимова Анастасия – “Меймандос кичинекей катчы” аттуу сыйлык.
Сынакта балдар “Достук, кыял жана тынчтык” темасында көркөм чыгармаларды жаратышып, анын жыйынтыгында Фошань шаарындагы балдар ордосунда көргөзмөгө катышкан.
Ошондой эле алардын чыгармалары балдардын эл аралык көркөм жыйнагына да кирди.
